Die familie van ‘n man van Brandfort wat die afgelope naweek in die Nasionale Hospitaal oorlede is, oorweeg regstappe teen die hospitaal na afloop van sy dood.
Die 55-jarige Gert Smit is glo na afloop van ‘n beroerte en longontsteking dood.
Netwerk24 berig sy familie is woedend omdat hy glo ondervoed was en ook op ‘n matras op die grond aangetref is.
Hulle is glo ook nie van sy dood in kennis gestel nie, maar moes by vriende daarvan verneem.
Mondli Mvambi, woordvoerder van die Vrystaatse gesondheidsdepartement, het Smit se dood betreur.
Volgens Mvambi het Smit aan nierversaking gely en was dit en die beroerte te wyte aan erge alkohol-misbruik.
The post FAMILIE OORWEEG REGSTAPPE TEEN HOSPITAAL Ná MAN SE DOOD appeared first on Radio Rosestad 100.6FM.