Studente van die Tshwane Universiteit van Tegnologie wat ‘n protesoptog na die hoofkampus in Pretoria-Wes gehou het, is toegang tot die kampus geweier.
Hulle dring aan op antwoorde oor die implementering van gratis onderrig by die instelling.
Dit volg ‘n dag nadat die studenteraad en bestuur ‘n ooreenkoms onderteken het dat daar volgende jaar geen verhoging in klasgelde sal wees nie.
Nie-stakende studente aan die Kaapse Skiereiland-Universiteit vir Tegnologie het intussen gister ’n aanlyn petisie begin waarin gevra word dat veiligheid op die kampusse opgeskerp word.
Hulle vra ook dat daar nie onderhandel moet word met studente wat betrokke was by kriminele aktiwiteite nie.
Sodra hulle ‘n duisend handtekeninge gekry het, wil die studente die petisie oorhandig aan die minister van hoër onderwys en opleiding, Blade Nzimande, en die huidige waarnemende vise-kanselier, prof. Louis Fourie.
The post STUDENTE IN PROTESOPTOG IS TOEGANG TOT KAMPUS GEWEIER appeared first on Radio Rosestad 100.6FM.