Opposisiepartye soos die DA en die Inkatha Vryheidsparty het die ANC blameer vir die voortslepende studentebetogings oor klasgeld en sê die party het destyds kiesers se stemme gekoop deur beloftes van gratis onderwys te maak.
Met ’n foto van ’n ANC-verkiesingsplakkaat wat gratis onderwys beloof, het die IVP-LP, Mkhuleko Hlengwa, gesê: goedkoop verkiesingsbeloftes eindig altyd in chaos!
Al die partye, behalwe die EFF, het egter die geweld op kampusse veroordeel.
Gewelddadige studentebetogings was gister intussen weer by die Universiteit van die Witwatersrand aan die orde van die dag.
Die verkeer in die omgewing van die kampus is erg ontwrig nadat studente sommige strate afgesper en klippe en ander voorwerpe na motors gegooi het.
Betogende Wits studente word daarvan verdink dat hulle gisteraand opsetlik ‘n bus en polisievoertuig in Braamfontein aan die brand gesteek het.
The post PARTYE BLAMEER ANC VIR STUDENTE-ONRUS appeared first on Radio Rosestad 100.6FM.