Die Mangaung-metro in Bloemfontein se versuim om sy geldelike verpligtinge teenoor kontrakteurs na te kom, beteken dat hy weer in die hof gaan draai.
Netwerk24 berig eise van miljoene rande is in die Vrystaatse hooggeregshof teen die metro ingestel.
Dit sluit in ’n eis vir ’n begraafplaas wat die metro vir R35 miljoen buite die stad gekoop het, sonder dat daarvoor begroot is.
Vyf van tien groot konstruksiemaatskappye aan wie die metro miljoene rande skuld, het ook opnuut regsaksie ingestel om meer as R120 miljoen se agterstallige geld te kry.
Die waarnemende munisipale bestuurder van die metro, adv. Tankiso Mea, vra in ‘n hofverklaring dat die hof die begrafplaas-eis tot einde Januarie volgende jaar uitstel wanneer geld uit die aanvullende begroting beskikbaar wees.
The post MILJOENE RANDE TEEN MANGAUNG-METRO GEëIS appeared first on Radio Rosestad 100.6FM.