‘n Radio Rosestad aanbieder is gisteraand bekroon as die Beste Plaaslike Radio Persoonlikheid tydens die 2016 Courant Best of Bloemfontein Keusetoekennings.
Jeannette Geldenhuys, wat weeksmiddae tussen 12:00 en 15:00 op Rosestad te hoor is, is Woensdagaand tydens ‘n geleentheid met die toekenning vereer.
Lesers van Courant kon elektronies stem vir die meer as 76 kategorië waaraan Bloemfonteiners kon deelneem.
Jeannette, wat reeds dertig jaar in die uitsaaibedryf is, het gisteraand aan Rosestad Nuus gesê dit was van kleins af een van haar drome om ‘n radio-aanbieder te wees.
The post ROSESTAD AANBIEDER WEN GESOGDE TITEL appeared first on Radio Rosestad 100.6FM.