Die waarnemende nasionale polisiekommissaris, luitenant-generaal Khomotso Phahlane, sê die polisie het nie die operasionele beheer by enige van die universiteite in die land oorgeneem nie.
Hy het aan die media gesê die bestuur en sekuriteit by die instellings bly die verantwoordelikheid van die betrokke universiteite.
Phahlane sê die polisie sal egter voortgaan om hul polisiëringsfunksies uit te voer soos wat dit deur die Grondwet bepaal word.
Hy het ook bewerings ontken dat die polisie studenteleiers teiken of probeer om die FeesMustFall-inisiatief te destabiliseer.
The post “DIE POLISIE HET NIE BEHEER BY UNIVERSITEITE OORGENEEM NIE” appeared first on Radio Rosestad 100.6FM.