Die jongste beskuldigde in die vigilante-moordverhoor in Parys, die 18-jarige Riaan Swart, is skuldig bevind op twee aanklagte van aanranding met die doel om ernstig te beseer.
Netwerk24 berig Swart was nog minderjarig toe hy in Mei vanjaar aangekla is.
Hy is een van 13 mans wat aangekla is van die moord op twee plaaswerkers, Simon Jubeba en Samuel Tjixa, op 6 Januarie vanjaar op ’n plaas buite Parys.
Die staat het in Augustus die moordklagte teen Swart en nog vier ander mans, Fanie Oosthuizen, Wian, Wikus en Müller van der Westhuizen, teruggetrek.
Ses mans sal nou weens die moorde teregstaan.
Swart is ingevolge ’n pleit- en vonnisooreenkoms ingevolge art. 105(a) van die Strafproseswet gevonnis.
Sy vonnis is vir vyf jaar opgeskort.
The post PARYS-MOORDVERHOOR: JONG MAN (18) SKULDIG BEVIND appeared first on Radio Rosestad 100.6FM.