Die twee leiers van ’n sindikaat wat derduisende liters brandstof van miljoene rande gesteel het, is in die Vrystaatse hooggeregshof elk meer as 600 jaar tronkstraf opgelê op aanklagte van rampokkery en diefstal.
Netwerk24 berig Nazier Tiry en sy eertydse houvrou, Patricia Sangweni, en die ander sindikaatlede is altesaam tot 1 863 jaar tronkstraf gevonnis.
Hulle het tussen Desember 2005 en Desember 2006 tenkvragte brandstof gesteel en dan verkoop.
Tiry en Sangweni sal hul vonnisse só samelopend uitdien dat Tiry effektief tot 30 jaar en Sangweni tot 18 jaar tronkstraf gevonnis is.
Die ander sewe lede sal elkeen effektief 15 jaar tronkstraf uitdien.
The post 2 VAN SINDIKAAT SIT LANK IN TRONK OOR BRANDSTOF appeared first on Radio Rosestad 100.6FM.