Die ANC-regering het ingegryp en die ondersoek-komitee is in die proses om die SAUK-raad te ontbind.
Netwerk24 berig twee SAUK-raadslede het gister uit hul eie bedank en dat die ander vier gevra word om ook te bedank midde in ’n formele parlementêre ondersoek na die geskiktheid van die raad.
Indien die ander vier raadslede nie bedank nie en daar word in die ondersoek bevind hulle is nie geskik nie, moet die komitee by die Nasionale Vergadering aanbeveel dat die raad ontbind word.
As die NV dié aanbeveling aanvaar, word dit na pres. Jacob Zuma vir goedkeuring gestuur.
Die ANC-woordvoerder, Zizi Kodwa, sê die verrigtinge het die einde van die wittebrood vir wanfunksionele rade van alle staatsentiteite ingelui.
Op ’n vraag of die ANC nie vroeër al by die SAUK moes ingegryp het nie, het Kodwa geantwoord: “Liewer laat as nooit.”
The post 2 SAUK-RAADSLEDE BEDANK appeared first on Radio Rosestad 100.6FM.