Die Suid-Afrikaanse Bloeddiens (SANBS) doen ‘n dringende beroep op die publiek om bloed te skenk aangesien net twee dae se bloedvoorraad in die land tans beskikbaar is.
Die bloedtekort wat die SANBS tans ervaar, volg nadat klasse by talle universiteite in die land opgeskort is na die landwye #feesmustfall-betogings.
Die bloeddiens sê bloedinsamelings onder studente op kampusse is ‘n belangrike bron van bloedvoorraad en met universiteite wat tans gesluit is, word daar druk geplaas op bloedvoorrade.
Nagenoeg 300 eenhede bloed moet daagliks verkry word om aan die nasionale behoefte te voorsien.
Skakel 0800 11 9031 vir meer inligting of besoek jou naaste bloedskenksentrum in Bloemfontein by die Southern Life Sentrum in Fichardtpark, Victorian Square in Tweedelaand, Westdene of Shortstraat 11 in Navalsig wat almal tot 16H45 oop sal wees.
The post BLOEDVOORRAAD GEVAARLIK LAAG appeared first on Radio Rosestad 100.6FM.