Inwoners van Heidedal en die omliggende gebiede in Bloemfontein is deur die Vrystaatse polisie die versekering gegee dat gerugte van bendegeweld in die woonbuurte niks is om oor paniekbevange te raak nie.
Gerugte word al geruime tyd op sosiale media versprei dat bendes vandag ‘n oorlog beplan uit weerwraak vir ‘n bendeleier wat vroeër vermoor is en dat dit tot volgende week kan duur.
Brig. Sam Makhele, provinsiale polisiehoof, het aan Netwerk24 gesê hulle weet van die gerugte op sosiale media en neem dit nie ligtelik op nie, maar mense moenie paniekbevange raak nie.
Volgens Makhele word die oorsprong van die gerugte ondersoek.
The post BENDE-GERUGTE: “MENSE MOENIE PANIEKBEVANGE RAAK NIE” appeared first on Radio Rosestad 100.6FM.