AfriForum Jeug sê geweld en ontwrigting op kampusse sal ophou wanneer moeilikheidmakers vasgetrek en vervolg word.
Dié jeugorganisasie het hom in ‘n verklaring ook sterk uitgespreek teen uitsprake van die ANC se sekretaris-generaal, Gwede Mantashe, dat hy al die universiteitskampusse vir ses maande sou sluit as hy die minister van hoër onderwys was.
Die organisasie se nasionale woordvoerder, Morné Mostert, sê studente se reg om te studeer moet gerespekteer word en daar is geen rede dat alle studente gestraf moet word as gevolg van ’n radikale minderheidsgroep se optredes nie.
Volgens AfriForum se hoof van gemeenskapsveiligheid, Ian Cameron, laat die polisie, kampusbesture en sekuriteitspersoneel toe dat onskuldige studente slagoffers word omdat hulle versuim om teen moeilikheidmakers op te tree.
The post “GEWELD SAL STOP WANNEER STUDENTE VASGETREK, VERVOLG WORD” appeared first on Radio Rosestad 100.6FM.