Die hoof van strategiese projekte én dienslewering-regulasies van die Mangaung-metro in Bloemfontein, George Mohlakoana, is Dinsdag deur die ANC-beheerde metroraad uit sy pos geskors.
Volgens Olly Mlamleli, uitvoerende burgemeester, het Mohlakoana versuim om ‘n spesiale finans-kursus van 6 maande met betrekking tot sy pos by te woon.
Mohlakoana se verweer is dat hy heeltyd in senior poste moes waarneem en dat die destydse stadsbestuurder, Sibongile Mazibuko, en die destydse uitvoerende burgemeester, Thabo Manyoni, hom aangesê het om nié die kursus te volg nie.
Hardie Viviers, koukusleier van die DA, sê Mohlakoana het oortuigende redes verskaf waarom hy nie geskors moet word nie.
Netwerk24 berig die DA het teen die besluit gestem aangesien Mohlakoana ’n goeie kans het om ’n regsaak te wen indien hy hom tot die arbeidshof sou wend.
The post MOHLAKOANA DEUR METRORAAD GESKORS appeared first on Radio Rosestad 100.6FM.