Twee paartjies is Vrydagoggend deur gewapende rowers by ‘n bekende uitkykpunt in Bloemfontein aangeval.
Skote is op ’n motor geskiet waar die paartjies by ’n uitkykpunt in Dan Pienaar na die stad se liggies gekyk het.
Die polisie se Konst. Wendy Nkabi, sê die gewapende mans het vier skote afgevuur, waarvan een skoot die motor se agterruit getref het.
Nkabi het aan Netwerk24 gesê die rowers het die twee mans en twee vroue se selfone, beursies, geld en ’n bankkaart gebuit voordat hulle gevlug het.
Een van die rowers het glo ’n pistool op ’n vrou gerig, waarna haar vriendin haar bankkaart en PIN vir die mans gegee het.
Die polisie ondersoek die voorval en niemand is nog in hegtenis geneem nie.
The post GEWAPENDE ROOF BY BFN-UITKYKPUNT appeared first on Radio Rosestad 100.6FM.