Sowat 500 paramedici, polisiebeamptes en lede van die gemeenskap het gister in Philippi buite Kaapstad aan ‘n betoging deelgeneem om mense bewus te maak van die implikasies wat geweld teen paramedici op die gemeenskap het.
Dit volg na verskeie kapings van ambulanse en aanvalle op paramedici die afgelope tyd.
Die Wes-Kaapse minister van gesondheid, Nomafrench Mbombo, het gesê die departement doen alles in sy vermoë om sy personeel te beskerm, maar dat gemeenskappe se hulp noodsaaklik is.
Verskeie brandpunte is reeds uitgewys waar inwoners ’n vertraging in ambulansdienste kan verwag, omdat nooddienspersoneel slegs met polisiebegeleiding daarheen kan gaan.
The post BETOGING IN PHILIPPI OOR GEWELD TEEN PARAMEDICI appeared first on Radio Rosestad 100.6FM.