Opposisie-partye het gister behoorlik uitgevaar teen die nuwe presidensiële straler waarvoor die departement van verdediging en militêre veterane 100 miljoen rand in die boekjaar begroot het.
Opposisie-partye is dit eens as pres. Jacob Zuma ernstig daaroor is om die ekonomie te stabiliseer, hy die voorbeeld sal stel en die minister van verdediging sal beveel om planne vir die straler te laat vaar.
Netwerk24 berig volgens die DA-LP Kobus Marais gaan belastingbetalers gemiddeld 280 duisend rand per dag vir Zuma se gehuurde straler moet opdok.
Die straler is glo deel van ‘n gebeurlikheidsplan as ondersteuning vir die huidige Inkwazi wat deur die regering gebruik word.
Die departement het tot dusver aangevoer dat tegniese probleme wat Inkwazi ondervind het, die president in die verleentheid stel en daarom regverdig dit die nuwe straler.
The post NOG ‘N STRALER VIR ZUMA appeared first on Radio Rosestad 100.6FM.