Die bewolkte weer wat die belofte van reën inhou, sal van vandag af oor die Vrystaat en Noord-Kaap begin opklaar.
Volgens Tonie Rossouw, senior weervoorspeller by die weerkantoor in Bloemfontein, het die wind gister sterk oor die Vrystaat en Noord-Kaap gewaai, maar sal dit vandag in die Noord-Kaap suidwes begin draai.
Dit sal meebring dat wolkbedekking geleidelik oor die twee provinsies begin opklaar.
Netwerk24 berig geen reën word dus vir die Vrystaat en Noord-Kaap vir die komende week voorspel nie, maar los buie en donderbuie oor die oostelike dele van die Vrystaat en in die Noord-Kaap sal Woensdag en Donderdag voorkom.
Van vandag af sal warmer weer voorkom en sal toestande na normaal terugkeer.
’n Koue frontale stelsel sal egter wel die naweek oor die binneland inbeweeg.
The post BEWOLKTE WEER SAL BEGIN OPKLAAR appeared first on Radio Rosestad 100.6FM.