Die Universiteit van die Vrystaat beplan om van volgende jaar af in drie fakulteite op eerstejaarsvlak net in Engels onderrig aan te bied ondanks die hofbevinding teen die inwerkingstelling van die nuwe taalbeleid.
Die hof het vroeër die UV se besluit om Afrikaans as onderrigtaal af te skaf, tersyde gestel. Die hofprosesse, waarin die UV aansoek doen om verlof om teen die tersydestelling te appelleer, is nog aan die gang.
Die UV meen nadat hy aansoek gedoen het vir verlof om te appelleer is die tersydestelling van sy besluit opgeskort en daarom word met beplanning voortgegaan.
Netwerk24 berig die ander fakulteite sal in 2018 volg.
AfriForum en Solidariteit sal vandag in die Vrystaatse hooggeregshof vra vir ’n bevel om die UV te verbied om voort te gaan met die inwerkingstelling van die nuwe taalbeleid.
The post TAALBELEID: UV GAAN VOORT MET PLANNE appeared first on Radio Rosestad 100.6FM.