Minstens tien mense het verdrink en tientalle word vermis nadat nog ‘n boot
met Rohingya-vlugtelinge uit Mianmar vroeër vandag gesink het.
Die boot was op pad na Bangladesj toe dit met sowat 50 mense aan boord in die Naf-rivier gesink het.
Volgens ooggetuies was meeste van die slagoffers kinders.
Byna 200 Rohingya vlugtelinge het die afgelope ses weke verdrink terwyl hulle na Bangladesj vlug in oorlaaide vissersbote.
Meer as 500 000 vlugtelinge het sedert Augustus in Bangladesj aangekom.
Die Verenigde Nasies het die weermag van Mianmar beskuldig van menseregteskendings en ‘n veldtog van etniese suiwering teen die Rohingya in die Rakhine-staat.
The post Rohingya-vlugtelinge verdrink toe boot sink appeared first on Radio Rosestad 100.6FM.