AgriSA het die publiek gevra om sy stem te laat opklink teen die departement van minerale hulpbronne se omgewingsmagtigings aan Rhino Oil and Gas Exploration South Africa vir natuurlike gaseksplorasie in vier provinsies, waaronder die Vrystaat.
Die gebied wat deur die magtings geraak word, strek oor die Oos-Kaap, Vrystaat, Noordwes en KwaZulu-Natal en beslaan ongeveer 2,4 miljoen hektaar.
Die publiek kry ‘n tydperk van 20 dae vanaf die datum waarop kennis gegee is van die uitreiking van die omgewingsmagtiging om daarteen te appelleer.
Janse Rabie, hoof van natuurlike hulpbronne by AgriSA, het ‘n beroep op die publiek gedoen om deel te neem en kommentaar te lewer op elkeen van die aansoeke om omgewingsmagtigings ten opsigte van skaliegasontwikkeling wat tans landswyd hangend is.
Die sperdatum daarvoor is 22 Oktober.
The post Publiek gevra om teen gaseksplorasie te stem appeared first on Radio Rosestad 100.6FM.