Las Vegas se polisie sê die aanvaller in die dodelikste skietvoorval in die
moderne Amerikaanse geskiedenis het die bloedbad noukeurig beplan.
Die 64-jarige Stephen Paddock het skynbaar dekades lank wapens versamel terwyl hy ‘n geheime lewe gelei het.
Ondersoekers probeer nog vasstel of hy hulp gehad het met die beplanning van die aanval waarin 59 mense dood en honderde gewond is.
Sy vriendin, Marilou Danley, wat na Los Angeles teruggekeer het na ‘n familiebesoek in die Filippyne, hou vol dat sy hom as ‘n goedhartige, stil man geken het en ontken dat sy enigiets geweet het van sy dodelike planne.
The post Las Vegas: Aanvaller het bloedbad “noukeurig beplan” appeared first on Radio Rosestad 100.6FM.