Die Ouditeur-Generaal, Kimi Makwethu sê gebrekkige beheermaatreëls en
disfunksionele bestuurders is van die belangrikste redes vir die SAUK se finansiële probleme.
Hy het aan die parlement se portefeuljekomitee oor Kommunikasie gesê die SAUK is bankrot en dit is te wyte aan onbevoedheid.
Makwethu sê die bedrag wat in die openbare uitsaaier se finansiële state aangedui word as onreëlmatige besteding is nie ‘n akkurate weergawe van die verliese nie.
Hy sê hy is nie seker hoeveel die SAUK werklik aan sy krediteure skuld nie.
Die SAUK het tans nie ‘n raad nie aangesien president Jacob Zuma nie verlede week se spertyd vir die bekragtiging van die raad nagekom het nie.
The post “Die SAUK is bankrot” appeared first on Radio Rosestad 100.6FM.