Polisiestasies landwyd het opdrag gekry om wapens waarop beslag gelê is,
gouer te vernietig.
Luitenant-generaal Gary Kruser het namens die waarnemende polisiekommissaris, Lesetja Mothiba, aan parlementslede gesê dit volg op ‘n besluit om die ouditproses van wapens te versnel.
Dié proses moet eers afgehandel word voordat wapens vernietig word.
Kruser sê die polisie gaan onwettige wapens waarop beslag gelê is, so gou moontlik vernietig ná onlangse voorvalle toe wapens uit polisietasies weggeraak het.
Kruser het die polisie se jaarverslag aan die portefeuljekomitee voorgelê in die afwesigheid van Mothiba, wat tans oorsee is.
The post Polisiestasies moet wapens gouer vernietig appeared first on Radio Rosestad 100.6FM.