Die Vryheidsfront Plus sê hy sal die situasie fyn dophou en sy regspan versoek
om op te tree indien die Openbare Beleggingskorporasie se geld wel in die gedrang kom.
Die party het gereageer op ‘n mediakonferensie waar die Minister van
Finansies, Malusi Gigaba, die versekering gegee het dat die staatspensioenfonds nie geplunder sal word om staatsinstansies geldelik te red nie.
Die VF Plus se voorsitter, Anton Alberts, sê die OBK se voorsitter, Dan Matjila, is onder groot druk om toe te gee aan eise dat die fonds wel daarvoor gebruik word.
Alberts sê die VF Plus steun Matjila in sy stryd.
Hy sê die VF Plus sal hom nie laat flous deur Gigaba se ontkenning daarvan nie.
The post OBK: VF+ sal situasie “fyn dophou” appeared first on Radio Rosestad 100.6FM.