Die beleggingshoof van Futuregrowth, Andrew Canter, het verskoning gevra oor die manier waarop dié batebestuursfirma aangekondig het dat hy nie meer geld aan ses staatsondernemings gaan leen nie.
Hy sê in ’n verklaring hy moes eers met die ondernemings en hul onderskeie ministers oorleg gepleeg het voordat hy die nuus openbaar gemaak het.
Volgens die Bloomberg-agentskap hou Canter egter vol dat Futuregrowth se besluit om nie meer geld aan die ses staatsondernemings, Eskom, Transnet, Sanral, die Landbank, die Nywerheidsontwikkelingskorporasie en die Ontwikkelingsbank van Suider-Afrika,
te leen nie, die regte een was.
Hy sê Futuregrowth het sy doelwit bereik om die probleem van korporatiewe beheer in die kollig te plaas.
The post HOOF VAN FUTUREGROWTH VRA OM VERSKONING appeared first on Radio Rosestad 100.6FM.