’n Voorverhoor van die 21-jarige Henri van Breda in die Hooggeregshof in Kaapstad in verband met drie lede van die Van Breda-gesin wat in Januarie 2015 in hul huis op die De Zalze-gholflandgoed buite Stellenbosch vermoor is, is tot 18 November uitgestel.
Die aanklaer, Susan Galloway, het vanoggend in die hof gesê daar is nog forensiese bewyse uitstaande.
Van Breda word daarvan aangekla dat hy sy pa, Martin, sy ma, Teresa, en sy 22-jarige broer, Rudi, die aand van 26 Januarie 2015 in hul huis met ’n byl of soortgelyke skerp voorwerp doodgekap het.
Sy 17-jarige suster, Marli, is ook aangeval, maar het dit oorleef.
Van Breda is uit op borgtog van ‘n R100 000.
The post HENRI VAN BREDA SE VOORVERHOOR UITGESTEL appeared first on Radio Rosestad 100.6FM.