Die orkaan Maria het die Karibbiese eiland Dominica getref as ‘n potensieel
katastrofiese kategorie vyf orkaan met wind van meer as 250 kilometer per uur.
Eilande in die Karibbiese streek herstel steeds van die verwoestende orkaan Irma, wat tot meer as 80 mense se dood gelei het.
Die Amerikaanse Nasionale Orkaansentrum het gewaarsku dat die Leeward-eilande bedreig word deur verwoestende golwe, oorstromings en modderstortings.
Die eerste minister van Dominica, Roosevelt Skerrit, het vroeër op sosiale media gesê sy huis is oorstroom en die dak is afgewaai, maar hy het later aangedui dat hy gered is.
Die eiland se lughawe en hawens is gesluit.
The post Orkaan Maria tref Karibbiese eilande appeared first on Radio Rosestad 100.6FM.