Afriforum gaan die hooggeregshof in Pretoria vandag versoek om die
diplomatieke immuniteit wat aan Zimbabwe se presidentsvrou, Grace Mugabe,
toegestaan is, te heroorweeg.
Mugabe het na bewering verlede maand ‘n Johannesburgse model, Gabriella Engels, in ‘n hotel in Sandton met ‘n elektriese koord aangerand.
Engels het ‘n saak van aanranding teen Mugabe gelê, maar die Minister van Internasionale Betrekkinge, Maite Nkoana-Mashabane, het diplomatieke immuniteit aan haar toegestaan waarna sy na Zimbabwe terug is.
Afriforum se regsverteenwoordiger, Willie Spies, sê hulle gaan die hof vra om die toestaan van immuniteit om te keer.
The post Afriforum versoek hof oor Grace Mugabe appeared first on Radio Rosestad 100.6FM.