Die ANC het die sakeman, Johann Rupert, beskuldig van opportunisme nadat hy gesê het dat radikale ekonomiese transformasie bloot ‘n kodewoord vir diefstal is.
‘n ANC-woordvoerder, Zizi Kodwa, sê die verklaring is oneerlik.
Rupert het glo ook gesê dit is algemene kennis dat Suid-Afrikaners in sleutelposte die staatskoffers plunder.
Kodwa sê die swart meerderheid is vasgevang in ‘n kringloop om as goedkoop arbeid te dien wat deur die wit minderheid uitgebuit word.
Hy sê Rupert se uitlatings dui op die onregmatige voordeel wat sy familie uit ongelyke ekonomiese betrekkinge in die land getrek het.
The post ANC beskuldig Rupert van opportunisme appeared first on Radio Rosestad 100.6FM.