Die arbeidshof in Johannesburg het sopas beslis dat Hlaudi Motsoeneng, die SAUK en Simon Tebele aanspreeklik gehou word vir die onregmatige afdanking van die SAUK-8 verlede jaar.
Volgens die hoof van Solidariteit se Sentrum vir Billike Arbeidspraktyke, Anton van der Bijl, is hierdie uitspraak ʼn oorwinning vir elke Suid-Afrikaner.
Van der Bilj sê dit onderstreep die nodigheid dat staatsamptenare, ongeag hoe hoog en magtig hulle hulself ag, aanspreeklik gehou moet word vir hul besluite.
Hy sê dit bevestig ook die basiese beginsels van deursigtigheid en verantwoording, soos uiteengesit in die Grondwet.
“Ons is verheug oor die uitspraak, wat ook as presedent sal kan dien teen soortgelyke staatsamptenare,” het Van der Bijl gesê.
Motsoeneng het ná die uitspraak met Solidariteit gepraat en sê hy het geen spyt nie. Hy praat ook oor die oorlede Suna Venter en sê hy sien die vakbond weer in die hof om te appelleer.
The post SAUK-8 : Hlaudi aanspreeklik vir onregmatige afdanking appeared first on Radio Rosestad 100.6FM.