Die Mangaung-Metro se twee voertuie is gister vir ‘n allemintige R284 000 op ‘n veiling in die Rosestad verkoop.
Die veiling het gespruit uit skuld wat die metro nie betaal het nie.
Netwerk24 berig die minibus is vir R212 000 aan ‘n tweedehandse motorhandelaar in die stad verkoop, terwyl ‘n anonieme koper van die Oos-Kaap die dubbelkajuitbakkie vir R72 000 opgeraap het.
DA-raadslid Hans Britz sê sover sy kennis strek, het so iets nog nooit tevore by die munisipaliteit gebeur nie.
Ernest Mohlahlo, finanshoof, sê hy weet nie van die voertuie van die munisipaliteit wat gister opgeveil is nie en het navrae na adv. Charlie Naidoo, hoof van die munisipaliteit se regsafdeling, verwys.
The post 2 VOERTUIE VAN METRO OP VEILING VERKOOP appeared first on Radio Rosestad 100.6FM.