Agt bemanningslede word nog vermis nadat ’n tjokkaboot gister in die vroeë
oggendure in die see by St. Francisbaai in die Oos-Kaap omgeslaan het.
Die woordvoerder van die Nasionale Seereddingsinstituut, Craig Lambinon, sê een man is dood en ses van die sewe oorlewendes is in die hospitaal.
Die polisie, nooddienspersoneel, plaaslike veiligheidsmaatskappye, die NSRI, die Suid-Afrikaanse lugmag en ’n helikopter is deel van ‘n soek- en reddingsoperasie nadat noodfakkels gesien is en twee tjokkabote uitgevaar en vasgestel het dat die boot in gure weerstoestande omgeslaan het.
The post Tjokkaboot-ongeluk: 8 nog vermis appeared first on Radio Rosestad 100.6FM.