Die DA-leier, Mmusi Maimane, oorweeg internasionale regstappe teen die
Gupta-familie omdat geld glo onwettig uit Suid-Afrika geneem is.
Maimane het die opmerking gemaak tydens sy besoek gister aan die omstrede
Vrede-suiwelplaas in die Vrystaat.
Maimane se besoek het gevolg nadat die party se Vrystaatse leier, Patricia Kopane, en leier in die Vrystaatse Wetgewer, Roy Jankielsohn, verlede week toegang tot die projek geweier is.
Na bewering beloop die familie se winste nagenoeg R184 miljoen uit die projek wat veronderstel was om plaaslike inwoners te bemagtig en die provinsie se landbou te bevorder.
Maimane het die suiwelplaas as ‘n monument aan korrupsie bestempel.
The post Internasionale regstappe teen Guptas appeared first on Radio Rosestad 100.6FM.