Die hoof van die Internasionale Monetêre Fonds, Christine Lagarde, sê volgens gesprekke met wêreldleiers is die wêreldekonomie op die herstelpad.
Sy het aan die einde van die G20-beraad in Hamburg, Duitsland, gesê daar is egter risiko’s soos groter finansiële weerloosheid, lae produktiwiteit en toenemende ongelykheid wat dié herstel steeds bedreig.
Lagarde het gesê die huidige groeitydperk moet gebruik word om die finansiële sektor te versterk.
Duitse owerhede sê intussen byna 500 polisielede is beseer in botsings met betogers tydens die G20-beraad.
Die leiers van die voorste handelslande wat die byeenkoms bygewoon het, het reeds eergister weer vertrek, maar die geweld het voortgewoed.
Die polisie sê meer as 20 000 geregsdienaars is ontplooi om verregse betogers in toom te probeer hou en 186 mense is in hegtenis geneem.
Dit is nie seker hoeveel betogers beseer is nie.
The post IMF: “Wêreldekonomie op die herstelpad” appeared first on Radio Rosestad 100.6FM.