Cosatu het president Jacob Zuma gevra om vinnig op te tree teen die minister van Minerale Hulpbronne, Mosebenzi Zwane, oor sy verklaring dat die kabinet besluit het dat ’n geregtelike ondersoek gedoen moet word na die banke wat die Gupta-familie se bankrekenings gesluit het.
Die vakverbond het Zwane van politieke arrogansie en selfverheerliking beskuldig en sê sy uitlatings ondermyn nie net die kabinet nie, maar skep ernstige vrae oor wie in beheer en in wie se hande die mag in die regering is.
Zuma het vroeër Zwane se uitlatings in ’n skerp bewoorde verklaring ontken en hom daarvan gedistansieer.
The post “ZUMA MOET VINNIG OP TREE TEEN ZWANE” appeared first on Radio Rosestad 100.6FM.