Die DA-leier, Mmusi Maimane, sal na verwagting vandag by die
Kaapstad-Sentraal-polisiekantoor strafregtelike aanklagte indien teen president Jacob Zuma, lede van die Gupta-familie en ministers wat na bewering by staatskaping betrek word.
Die DA sê in ‘n verklaring die jongste aantygings oor staatskaping, wat die afgelope naweek bekend gemaak is, dui op die omvang van die verrotting binne die regering.
Die party sê verskeie ministers, amptenare en senior leiers van staatsbeheerde ondernemings word betrek by ‘n misdadige sindikaat om die land se hulpbronne tot hul eie voordeel te beheer en die gereg moet nou sy gang gaan.
The post Maimane dien klagte in teen Zuma, Guptas en ministers appeared first on Radio Rosestad 100.6FM.