’n Reusestaking van munisipale werkers wat die Mangaung-metro se munisipale dienslewering kan verlam, begin vandag in Bloemfontein nadat afgevaardigdes van die Munisipale Werkersunie, Samwu, en die metro geen ooreenkoms kon bereik nie.
Netwerk24 berig volgens Pule Molalenyane, Samwu-president, sê meer as drie duisend munisipale stakers sal van vandag af met baniere aan ’n protesoptog deelneem van die Batho-saal in Bloemfontein na die Glaspaleis om hul ontevredenheid oor veral die korrupsie met die aanstelling van personeellede oop te vlek.
Volgens Molalenyane is dit ‘n strafregtelike oortreding wanneer personeellede volgens ’n organogram aangestel word terwyl die poste nie bestaan nie. Die Munisipale Stelselswet maak voorsiening daarvoor dat die mense wat dié aanstellings doen, persoonlik vervolg kan word. By die metro is glo meer as 100 mense só aangestel.
The post Reuse-staking by Mangaung-metro begin vandag appeared first on Radio Rosestad 100.6FM.