Agt verdagtes wat na bewering by die Peddie-polisiekantoor in die Oos-Kaap ingebreek en vuurwapens uit ’n pakkamer gesteel het, het gister die eerste keer saam in die landdroshof op Peddie verskyn.
’n Provinsiale polisiewoordvoerder, kaptein Khaya Tonjeni, sê die saak is tot 25 April uitgestel.
Sowat 30 vuurwapens, waaronder pistole, R5-aanvalsgewere en haelgewere, is in die vroeë oggendure van 14 Maart gebuit.
Die polisie het reeds 28 van die gesteelde vuurwapens teruggekry.
The post 8 rowers se hofsaak uitgestel appeared first on Radio Rosestad 100.6FM.