Vrystaat Landbou het die plaasaanvalle in die provinsie waarin drie mense Donderdag in twee afsonderlike voorvalle wreed vermoor is, sterk veroordeel en gesê hulle het met skok en afgryse daarvan verneem.
Dit is die eerste plaasmoorde vanjaar in die Vrystaat, hoewel daar van 1 Januarie tot einde Maart reeds 18 plaasaanvalle voorgekom het.
Die voorsitter van die unie se landelike veiligheidskomitee, Tommie Esterhuyse, sê dit is skrikwekkend om te sien hoe min ’n mens se lewe werd is en dit is duidelik die misdadigers het geen respek vir lewe nie.
The post Wreed plaasaanvalle sterk veroordeel appeared first on Radio Rosestad 100.6FM.