In die soveelste plaasaanval is ’n boer van die Wepener-distrik in die Vrystaat
en sy huiswerker gister albei doodgeskiet.
Netwerk24 berig ’n buurman wat op die oorledenes afgekom het, het die polisie ontbied.
Dit is nog onbekend wanneer presies die voorval plaasgevind het.
Sers. Yanga Ngcukana, polisiewoordvoerder, sê die 49-jarige boer is in sy sitkamer gevind en sy 55-jarige huiswerker in een van die kamers.
Hulle is vermoedelik verskeie kere geskiet.
Die name van die oorledenes kan nog nie bekend gemaak word nie, omdat al hul naasbestaandes nog nie van hul dood in kennis gestel is nie.
Dit is onseker wat geroof is en hoeveel aanvallers betrokke is.
The post VS boer, huiswerker op plaas doodgeskiet appeared first on Radio Rosestad 100.6FM.