’n Gevaarlike misdadiger wat as tienjarige sy eerste moord gepleeg het en as
16-jarige nog twee mense vermoor het, se toekoms sal in die hooggeregshof in
Bloemfontein bepaal word nadat hy reeds 20 jaar tronkstraf uitgedien het.
Netwerk24 berig die 37-jarige Eric Dikoko is destyds deur twee psigiaters as ’n
psigopaat verklaar.
Hy is in April 1997 deur regter Fox van Coppenhagen in die
hooggeregshof op twee aanklagte van moord, een van poging tot moord, twee van roof en die onwettige besit van ’n vuurwapen en ammunisie vir ’n onbepaalde tyd tronk toe gestuur.
Daar is beslis dat hy ná 20 jaar weer voor die hof gebring moet word vir die heroorweging van dié vonnis.
Verskeie verslae moet bekom word en die gemeenskap se veiligheid sal ook in ag geneem word voordat regter Johann Daffue oor sy toekoms besluit.
The post Hof bepaal moordenaar se toekoms na 20 jaar in tronk appeared first on Radio Rosestad 100.6FM.