Die ANC in Johannesburg ontken dat enige van sy lede geweld aangehits het
tydens ‘n vergadering gisteraand in Midrand waartydens Johannesburg se
geïntegreerde ontwikkelingsplan bespreek is.
Verskeie mense is beseer nadat hulle met bakstene geslaan en met stoele gegooi is.
Die burgemeester van Johannesburg, Herman Mashaba, hou ANC-raadslede vir die geweld verantwoordelik.
Die ANC sê egter daar kan duidelik op beeldmateriaal gesien word dat dit DA en EFF-lede is wat hulle tot geweld gewend het.
Die woordvoerder het wetstoepassers gevra om die voorval behoorlik te ondersoek en nie net afleidings te maak nie.
The post Partye beskuldig mekaar ná geweld op vergadering appeared first on Radio Rosestad 100.6FM.