Suid-Afrika se kredietstatus kan tot selfs laer vlakke afgegradeer word indien
die politieke onsekerheid wat meegebring is deur die onlangse afdanking van die voormalige Minister van Finansies, Pravin Gordan, hervorming aan bande lê.
S&P Global Ratings sê risiko’s bestaan wat groeivooruitsigte kan verswak in ‘n jaar waarin daar waarskynlik nie belangrike besluite oor sterk hervormingsprogramme geneem sal word nie.
Ekonome sê intussen die Minister van Finansies, Malusi Gigaba, staar ‘n moeilike taak in die gesig wanneer hy sy eerste internasionale reis onderneem ná die skommeling van die kabinet.
Gigaba is op pad na Amerika om met die Moody’s graderingagentskap en ook moontlike beleggers te vergader.
Gigaba het vroeër tydens ‘n mediakonferensie gesê daar is geen waarborg dat die land nie weer afgegradeer sal word nie.
Hy sê ‘n afgradering deur Moody’s kan ‘n verwoestende uitwerking op die ekonomie hê.
Moody’s is die enigste agentskap wat nog nie Suid-Afrika na rommelstatus afgegradeer het nie.
The post SA se kredietstatus kan laer word appeared first on Radio Rosestad 100.6FM.