Opposisiepartye het Dinsdagaand by ’n hotel in Kempton Park vergader om
planne te beraam hoe hulle van pres. Jacob Zuma en die ANC ontslae gaan raak.
Netwerk24 berig die vergadering, wat geslote was vir die media, het omstreeks 4-uur die middag by die Premier Hotel naby die O.R. Tambo-lughawe begin.
Daar is sowat twee uur lank beraadslaag. Mmusi Maimane, DA-leier, het ná die vergadering gesê die DA, die EFF, die UDM, die IVP en Cope was deel van die vergadering.
Hy het beklemtoon die partye se werk is nie net om pres. Jacob Zuma te verwyder nie, maar om die hele ANC te verwyder.
Volgens Maimane het die samesprekings nie op beleidskwessies gefokus nie, maar eerder oor hoe om meer doeltreffend saam te werk om te verseker dit bied ’n alternatief vir Suid-Afrikaners.
The post Opposisiepartye vergader oor Zuma appeared first on Radio Rosestad 100.6FM.