Die woordvoerder van die Valke, Hangwani Mulaudzi, sê Berning Ntlemeza
is nie die hoof van die Valke nie, en sal slegs toegelaat word om sy besittings in sy kantoor te kom haal wanneer hy Maandag van verlof terugkeer.
Ntlemeza het vroeër die naweek gedreig dat hy soos gewoonlik vir werk gaan opdaag te midde van sy aansoek om te appelleer teen die Hooggeregshofbeslissing dat sy aanstelling onregmatig was.
Sy regsverteenwoordiger het intussen aangedui dat hulle voor die einde van die week die nodige hofstukke gaan indien.
Ntlemeza se regspan beweer ook dat die nodige prosedure om hom uit sy pos te onthef, nie gevolg is nie.
Die minister van Polisie, Fikile Mbalula het Yolisa Matakata ‘n paar dae gelede in die pos aangestel.
The post “Ntlemeza is nie die hoof van Valke nie” appeared first on Radio Rosestad 100.6FM.