Die elf studente van die Universiteit van die Vrystaat wat dissiplinêr verhoor
is nadat geweld verlede jaar uitgebreek het ten tyde van ’n Varsitybeker-wedstryd op Shimlapark in Bloemfontein, het met opgeskorte skorsings en boetes daarvan afgekom.
Netwerk24 berig in die ander opspraakwekkende voorval verlede jaar waarin ’n student water na ’n vroulike veiligheidswag op die kampus gespuit het, is die student ook ’n opgeskorte skorsing opgelê.
Daar is destyds toetse gedoen om te bepaal of urine na die wag gespuit is, maar daar is bevind dit was inderdaad water.
UV-woordvoerder Lacea Loader sê ná die Shimlapark-voorval en die geweld en beskadiging van eiendom daarna is betrokkenes verhoor en opgeskorte skorsings en boetes opgelê.
The post 11 Kovsie studente opgeskorte skorsings, boetes opgelê appeared first on Radio Rosestad 100.6FM.