Inwoners van Universitas in Bloemfontein sien rooi omdat groot hope
vullissakke in die buurt opgestapel word weens die dispute tussen die
Mangaung-metro en sy werkers wat al twee maande duur.
Netwerk24 berig volgens Tjaart van der Walt, DA-raadslid in wyk 23, hoop die vullis op omdat die metro en die werkers nie ’n ooreenkoms kon bereik nie.
Van der Walt sê die munisipaliteit verbreek sy kontrak met Trade Waste Customers, ’n konsortium van maatskappye wat sakeondernemings en woonstelle in Universitas besit.
Ingevolge ’n kontraktuele ooreenkoms sou die munisipaliteit die vullis verwyder, maar omdat dit nie gedoen word nie, gaan Trade Waste Customers nou private maatskappye gebruik om dit te doen.
Qondile Khedama, kommunikasiehoof van die metro, sê hy gaan onmiddellik die saak opvolg om te hoor wat aan die gang is.
The post Inwoners sien rooi oor vullissakke appeared first on Radio Rosestad 100.6FM.