Die Active Citizens Movement eis ‘n onvoorwaardelike verskoning van die
ANC-Jeugliga nadat sy ondersteuners ‘n gedenkdiens vir die ontslape
ANC-veteraan, Ahmed Kathrada in Durban ontwrig het.
Talle ondersteuners van die Jeugliga het die voormalige Minister van Finansies, Pravin Gordhan en die ANC se tesourier-generaal, Zweli Mkhize tydens hul spreekbeurte uitgejou.
Dit was in weerwil van ‘n interdik wat die jeugliga verbied het om chaos by die
geleentheid te veroorsaak.
‘n Woordvoerder van die Active Citizens Movement, Yusuf Vawada sê die jeugliga se optrede is onaanvaarbaar en ‘n poging om mense te intimideer wat nie die Jeugliga se standpunt deel nie.
The post ACM eis verskoning van ANC-Jeugliga appeared first on Radio Rosestad 100.6FM.