Duisende Swede het ‘n gedenk-nagwaak in Stockholm gehou vir die slagoffers
van Vrydag se vragmotoraanslag.
Die Sweedse polisie sê die verdagte, ‘n burger van Oesbekistan, sou gedeporteer word.
Die 39-jarige verdagte se aansoek om permanente verblyfreg in Swede is verlede week van die hand gewys.
Vier mense is dood en vyftien beseer toe die man na bewering met ‘n gesteelde biervragmotor deur ‘n straat vol voetgangers gejaag het en in ‘n winkel gebots het.
Elders het Noorweë het die vlak van bedreiging deur terrorisme verskerp nadat ‘n tuisgemaakte bom in die hoofstad, Oslo, ontdek is.
‘n 17-jarige burger van Rusland word in verband met die saak aangehou.
Die regering sê die man is aan hulle bekend en het al sy ondersteuning teenoor die Islamitiese Staat uitgespreek.
The post Gedenk-nagwaak vir slagoffers van vragmotoraanslag appeared first on Radio Rosestad 100.6FM.