Verskeie nuwe aanklagte van geldwassery kan bygevoeg word op die klagstaat
teen die Delport-ouerpaar, Norman en Johanna, en hul seun, Marius, van
Bloemfontein wat reeds van 135 aanklagte van BTW-bedrog van altesaam R59
miljoen aangekla word.
Netwerk24 berig hul verhoor is deur streeklanddros Leavit Mkansi in die streekhof in Bloemfonteinse tot volgende maand uitgestel.
Dan sal ’n datum bepaal word vir wanneer hulle in die Vrystaatse hooggeregshof moet verskyn.
Die R59 miljoen is die grootste bedrag in een ondersoek oor beweerde BTW-bedrog wat tot nog toe deur die strafregtelike ondersoekeenheid van die Suid Afrikaanse Inkomstediens (SAID) in die Vrystaat en Noord-Kaap ondersoek is.
Die Delports is op borgtog van R50 000 elk uit.
The post Nuwe aanklagte teen Delports appeared first on Radio Rosestad 100.6FM.